Манай хамт олон мэргэжлийн ур чадвартай эмч, эх баригч, сувилагчдаас бүрдсэн бөгөөд эх, нярай бүрт хүн төвтэй, чанартай, хүртээмжтэй тусламж үйлчилгээг үзүүлэхийг эрхэмлэдэг.

Хүлээн авах яаралтай тусламжийн тасаг нь нийт 27 эмч, ажилчидтай. Үүнд:

Эх барих эмэгтэйчүүдийн эмч -5 Арга зүйч -1, эх баригч -11, сувилагч 1, лавлагаа мэдээллийн ажилтан -3, асрагч -6 ажилладаг.

Манай тасагт зөвлөх зэргийн эмч -1, тэргүүлэх зэргийн эмч- 2, ахлах зэргийн эмч-1, ахлах зэргийн эх баригч-2 ажилладаг.

Жилдээ дунджаар 24000 орчим үйлчлүүлэгчдийг хүлээн авч хэвтүүлэн эмчлэх болон зөвлөгөө мэдээлэл өгч ажиллаж байна.

Манай хамт олон жирэмслэлттэй холбоотой болон эмэгтэйчүүдийн яаралтай тусламж үйлчилгээг 24 цагийн туршид харьяалал харгалзахгүй мэргэжлийн өндөр түвшинд цаг алдалгүй үзэж оношлон тусламж үйлчилгээг үзүүлж байна.

Манай тасаг нь үйлчлүүлэгчийн тав тухтай байдлыг хангах зорилгоор үзлэгийн тусгайлсан өрөө, ургийн зүрхний бичлэг хийх өрөө, нярайн хүлээн авах яаралтай тусламжийн өрөө , тусгаарлах өрөө, хувцас солих өрөө, хүүхэд харах өрөө, үйлчлүүлэгчийн ар гэртэй уулзаж зөвлөгөө өгөх өрөөг шинээр тохижуулан ажиллуулж байна.

Мөн амь тэнссэн үед ашиглах тоног төхөөрөмжөөр бүрэн хангагдсан яаралтай үед хөх код идэвхжүүлж зарлан мэдээлэх хэсэгтэй.

Эргэлт лавлагааны хэсэг нь ар гэрт мэдээллийг цаг тухайд нь хүргэж, үйлчлүүлэгчид түргэн шуурхай үйлчилж байна.Түүнчлэн төрсний дараах эхчүүдийг нярайн хамт үдэж гаргах өрөөг ашиглаж , үйл ажиллагааг тогтмолжуулан ажиллаж байна.

Цаашид бид эх барих, эмэгтэйчүүд, яаралтай тусламж үйлчилгээний чанар, аюулгүй байдлыг тасралтгүй сайжруулж, олон улсын сайн туршлагыг нэвтрүүлэхийг зорьж ажиллаж байна.

~Эх үрсийн Амар амгалангийн төлөө хамтдаа~